اہل بیت(ع) نیوز ایجنسی ـ ابنا ـ کے مطابق،
اسلامی جمہوریہ ایران میں جمعہ (28 جون 2024ع) کو صدر کے انتخاب کے لئے ووٹ ڈالے
گئے۔ چاروں امیدواروں میں سے کوئی بھی مطلوبہ اکثریت حاصل نہ کرسکا جس کی وجہ سے
سے پہلے اور دوسرے نمبر پر آنے والے دو امیدواروں کے درمیان اگلے مرحلے میں دوبارہ
مقابلہ ہوگا۔
اگلے مرحلے میں، انتخابات میں تیسرے نمبر پر آنے والے ڈاکٹر محمد باقر قالیباف نے ڈاکٹر سعید جلیلی کی حمایت کا اعلان کیا ہے۔
انہوں نے کہا ہے کہ میں مسعود پزشکیان کا احترام کرتا ہوں تاہم انقلابی نظریات کے حامیوں سے اپیل کرتا ہوں کہ سعید جلیلی کو ووٹ دیں۔
یاد رہے کہ ایرانی الیکشن کمیشن کی جانب سے جاری ہونے والے بیان میں کہا گیا ہے کہ ووٹنگ کی گنتی کے بعد کوئی بھی امیدوار 50 فیصد سے زائد ووٹ حاصل نہیں کر سکا؛ سے مسعود پزشکیان نے ایک کروڑ چار لاکھ سے زائد جبکہ سعید جلیلی نے 94 لاکھ سے زائد ووٹ حاصل کئے۔ اس طرح مسعود پزشکیان پہلے نمبر اور سعید جلیلی دوسرے نمبر پر رہے۔
پارلیمنٹ کے اسپیکر باقر قالیباف نے 33 لاکھ جبکہ مصطفی پور محمدی نے دو لاکھ سے زائد ووٹ حاصل کئے۔
الیکشن کمیشن کے مطابق ٹرن آؤٹ کی شرح 40 فیصد رہی۔
اگلے مرحلے میں پزشکیان اور سعید جلیلی کے درمیان 5 جولائی کو دوبارہ مقابلہ ہوگا۔
۔۔۔۔۔۔۔۔۔۔۔۔۔
110
